晨早七點幾就已經到機場 , 準備搭 9am 班港龍機
我哋唔係搭機鐵嚟架 , 邊有咁多錢吖 !
好想去迪士尼呀 !
超大型嘅扭蛋機
由於預早一日喺網上辦理登記手續 , 咁先至唔駛坐機翼位咋 !
港龍嘅早餐好難食 ! 唔知係咪因為我之前喺機場2號大樓食咗澳門茶餐廳 , 所以唔覺餓 , 覺得佢好難食呢 ?
請注意 Playmobil 身後的一位黃衫阿叔
由機場行去搭捷運都唔駛10分鐘 , 好方便 !
我鍾意佢個扶手 , 十幾人一齊扶住都仲得 !
喺高雄市嘅「高雄漢王洲際飯店」放低咗行李之後 , 就急急腳搭客運去高雄火車站 , 隔籬就係高雄捷運 , 由高雄車站搭捷運去到左營站落 , 就可以搭台灣最快嘅「高鐵」, 正 !
我哋坐自由座 , 冇劃位 , 平啲 !! 好彩冇買對號座咋 , 總站上車都冇乜人坐 , 如果唔係 , 蝕底晒 !
就係咁 , 我哋 2點幾高鐵 , 「向內灣出發」!
坐位好闊落
請留意車頭的污物 , 係高鐵以高速行駛時所撞死的小昆蟲 , 阿彌陀佛 ! 善哉 ! 善哉 !!
出咗左營站 , 就可以搭免費接駁巴士往市中心 ----- 東門市場
有人有咗4個月新孕呀 !
從東門市場行往新竹火車站方向嘅時候 .......
畀我哋恰巧聞到一間發出超級香味嘅燒餅店
於是我哋忍唔住買咗 3個 試食
點知超好味架 !! 而家都仲想食 ! 可惜香港冇分店 !
到咗新竹火車站嘞
不過唔係喺度搭火車喎 , 係行去火車站嘅右邊搭客運往竹東火車站
到嘞 ! 好 , 喺度買票搭單列火車去內灣 lu !
佢係出站先收票架 !
全票為成人票 , 半票為長者及小童票
架火車好得意呀 !
去到內灣已經係 6:34pm , 足足用咗 4個小時
內灣老街 , 其中一個設計特色係地下 , 望吓個地下啦 !
畀我哋嚟到呢個古舊嘅吊橋 , 真係勁 ..... 多蚊呀 !
睇到未 ? 係內灣地標「大嬸婆」的剪影
去到嘅時候 , 好多舖頭已經關門 , 所以 , 只好食吓腸仔啦 !
竟然畀我見到小魔怪 , 我係咪好似佢呢 ? 個眼肚, hohohohhho..
內灣舊戲院 , 個樣好恐怖
粿條好似河粉 , 但係超彈牙 , 好爽 !
甜品 ----- 豆花
回程 lu ! 只係逗留咗 1 個鐘咋 !! 好唔抵 ! 但係冇計 , 因為要趕搭捷運尾班車 !
只有一卡嘅小火車
事前準備不足 , 所以 , 要帶埋本筆記簿出嚟繼續寫行程
凌晨12點幾 , 終於安全抵達高雄市 , 即刻去六合夜市食夜宵先 !
好大條魷魚呀 ! 但係呃人架 , 佢一份份賣 , 每份都冇一條魷魚咁大份 !
食熱氣嘢就梗係要飲杯金桔檸檬潤喉啦 ! 好舒服呀 !!
呢碟係唔臭嘅臭豆腐 , 麻麻地 !
呢樣正呀 ! 你估係乜 ?
所以話呢 , 外表係唔重要 , 最緊要有內涵 !
佢就係外熱內冷嘅炸冰淇淋嘞 ! 好食呀 !
呢當蚵仔煎都係麻麻 !
不過我哋太肚餓 , 惟有頂硬上啦 !
烤鴨夾餅 , 不對胃口 , 都係麻麻 !
