Picasa Web Albums - Asociación Cultur...

Gmail Calendar Documents Photos Sites Groups Search More »

New Features | Help | Sign in

Homenaxe Amada García no Castelo de San Felipe 2012

A Asociación Cultural Memoria Histórica Democrática rendeu homenaxe a todas as persoas asasinadas polo Franquismo, e particularmente ás mulleres represaliadas polo franquismo, representadas na figura da mugardesa Amada García.

Jan 27, 2012

Photos: 25

Brigada Bravo-Díaz

Apr 14, 2011

Photos: 10

Homenaxe as victimas do fascismo en Ferrolterra

Apr 14, 2011

Photos: 39

Mesa redonda -A recuperación da memoria en Ferrol

Enrique Barrera. Profesor, Investigador da historia de Ferrol durante a II República, a ditadura e a transición. Eliseo Fernández. Investigador especializado na historia do movemento obreiro e do anarquismo en Galicia e Ferrol. Bernardo Maíz. Doutor en Historia Contemporánea, Catedrático de Ensino Medio. Investigador da historia de Galicia e Ferrol durante a República e a Ditadura. Manuela Santalla. Profesora, Doutora en Xeografia e Historia. Investigadora da historia de distintos movementos sociais de Ferrol no S.XX. Xosé Manuel Suárez. Mestre, Doutor en Xeografía e Historia. Investigador da historia de Ferrol durante a guerra civil e a ditadura. Moderador: Guillermo Llorca, Profesor e historiador. Organizan; Concello de Ferrol , AS. Memoria Historica Democratica , AS Fuco Buxán

Apr 7, 2011

Photos: 11

Mesa redonda: “Memoria e Democracia”

José Antonio Martín Pallín. Maxistrado emérito do Tribunal Supremo. Colaborador de Amnistía Internacional e da Comisión Internacional de Xuristas en misións de investigación sobre dereitos humanos en Latinoamérica e Palestina. Premio Nacional de Dereitos Humanos en 2006. Carlos Teijo García. Profesor de Derecho Internacional Público e Relacións Internacionais da USC. Doutor en Ciencias Políticas e Dereito. Susana Alaniz, uruguaia afincada en Ferrol, colabora coas asociacións Nais e Familiares de Presos Políticos e con Nais e Familiares de Detidos e Desaparecidos, ambas de Uruguai. Moderadora: Carmen Fernández Casanova, Catedrática de Historia Contemporánea da UDC.

Apr 6, 2011

Photos: 8

Mesa redonda: “O contexto actual no proceso de recuperación da memoria"

Xornadas da quincena da República “A verdade nunha man pechada.Ferrol recuperando a memoria” Carlos Agüero. Investigador en filosofía, Coordinador da Oficina Non Gubernamental de Atención a Vítimas da Asociación para a Recuperación da Memoria Histórica (A.R.M.H). Lourenzo Fernández Prieto. Catedrático de Historia Contemporánea da USC. Dirixe o Proxecto de investigación “Nomes e Voces”, e é o investigador principal en varios proxectos que teñen como temática o franquismo no ámbito galego, estatal e internacional. Xosé Lois Vilar. Historiador e arqueólogo, membro do Instituto de Estudos Miñoranos. Modera: Virxinia Salvo, xornalista Organizan; Concello de Ferrol , AS. Memoria Historica Democratica , AS Fuco Buxán

Apr 5, 2011

Photos: 11

Tertulia sobre a obra teatral "Memoria de Helena e María"

Xornadas da quincena da República “A verdade nunha man pechada.Ferrol recuperando a memoria” Tertulia sobre a obra “Memoria de Helena e María”, de Teatro do Atlántico. Organizan; Concello de Ferrol , AS. Memoria Historica Democratica , AS Fuco Buxán

Mar 31, 2011

Photos: 14

“Muller e memoria”

Mesa redonda baixo o título “Muller e memoria”. Nela participarán Aurora Marco, catedrática de Didáctica da Lingua e a Literatura Galega da USC; Mary Nash, catedrática de Historia Contemporánea na Universidad de Barcelona e presidenta e fundadora da Asociación Española de Investigación en Historia de Mulleres, e María Jesús Souto, doutora en Historia Contemporánea na USC e especializada na estudo da represión franquista. Moderará Sari Alabau, concelleira de EU.

Mar 30, 2011

Photos: 10

"Señora de"

"Señora de", móstranos os testemuños de varias xeracións de mulleres ás que a historia nin sequera permitiulles soñar. O único que puideron facer foi resignarse e aceptar que naceron e creceron noutra época na que as súas voces, os seus desexos e mesmo os seus pensamentos foron silenciados.

Mar 29, 2011

Photos: 8

Quincena da República,Ferrol Recuperando a Memoria

Mar 23, 2011

Photos: 7

Nomeamento de Benigna Díaz Corral (Binucha) como Muller do ano en Narón (08/03/2011)

Mar 8, 2011

Photos: 9

Homenaxe a Alejandro Porto Leis, Modesto del Río, Jesús Miño e Avelino Landeira (2011)

Inauguración do monolito en lembranza de Alejandro Porto Leis, último alcalde republicano de Serantes, Modesto del Río, Jesús Miño e Avelino Landeira (estes últimos asasinados canda el por tentar protexelo da persecución dos golpistas). Os catro foron cruelmente asasinados polos no 1938. Recomendamos ollar o Documental do realizador Xosé Abad “O segredo da Frouxeira”, baseado nestes feitos Trailer: http://www.youtube.com/watch?v=c05q61dop3Q (Fotos de Rodrígo Díaz e Suso Pazos)

Feb 11, 2011

Photos: 53

Homenaxe a Amada García no castelo de San Felipe (2011)

A ofrenda floral e o acto de homenaxe a esta mugardesa, fusilada hai 72 anos, xunto con outros veciños, por orde dos militares sublevados contra o goberno lexítimo da República, converteuse nun acto que o tempo transformou nun símbolo contra a barbarie do fascismo. Fotografías de Suso Pazos.

Jan 27, 2011

Photos: 23

“Galegos en Portugal durante a guerra civil e a posguerra” (2010)

Conferencia : Ángel Rodríguez Gallardo é Doutor en Filologia Hispánica pola Universidade de Santiago de Compostela. Foi Profesor Convidado na Faculdade de Humanidades da Universidade Nacional da Patagonia (Argentina) e Investigador Post-doutoral no Centro de Estudos de Etnologia Portuguesa da Faculdade de Ciências Sociais da Universidade Nova de Lisboa e no Centro de Linguística da Universidade de Lisboa. É profesor contratado Doutor na Universidade de Vigo e investigador do Centro de Estudos Interdisciplinares Século XX da Universidade de Coimbra. As suas investigacións céntranse en historia social do franquismo, movimentos migratorios, historia oral, memoria histórica, escritura epistolar e análise do discurso. Ten publicado Letras armadas (2005), O ruído da morte. A represión franquista en Ponteareas (2006), Memoria e Silencio na Galiza contemporânea (2008) e La escritura femenina en reclusión (2009).

Jun 18, 2010

Photos: 9

Manifestación en solidaridade co xuiz Garzón (2010)

A Memoria Histórica Democrática,AVV de Esteiro, Fuco Buxán, Ateneo Ferrolán, Esquerda Unida, USTG,Asociación Veciñal O Prioriño, Ospaal,BNG ,Terra Galega,CC.OO e UXT NA CONCENTRACIÓN DE SOLIDARIDADE CO XUIZ GARZÓN DÍA 24 ÁS 12:00H,NA PLAZA DE ARMAS-FERROL E CO LEMA: “Verdade, xustiza, reparación”

Apr 24, 2010

Photos: 17

Homenaxe a todas as vítimas da represión franquista (2010)

(Fotos de Suso Pazos/Memoria Histórica Democrática) Conmemoración no 79 cabodano da proclamación da II República. Homenaxe público a todas as vítimas da represión franquista no muro do antigo cemiterio de Canido (o actual instituto de ensino).

Apr 14, 2010

Photos: 20

Exposición «La memoria de la tierra» (2010)

(Fotos de Suso Pazos/Memoria Histórica Democrática) Inauguración da exposición fotográfica do fotoxornalista e colaborador de ARMH Eloy Alonso no Ateneo Ferrolán de Ferrol. Presentada por Santiago Macías, vicepresidente de ARMH, a exposición forma parte dos actos da Semana da República 2010 organizada por Memoria Histórica Democrática en colaboración co Ateneo Ferrolán. Posteriormente celebrouse a conferencia-coloquio «Olvidar el olvido», por Santiago Macías

Apr 12, 2010

Photos: 32

Homenaxe a Amada García (2010)

(Fotos de Suso Pazos/Memoria Histórica Democrática) Homenaxe a Amada García no cabodano do seu fusilamento no paredón do Castelo de San Felipe en Ferrol. Nesta homenaxe familiar participa seu fillo Gabriel (nado no mesmo cárcere onde estaba presa súa nai) e súa neta Amada. Memoria Histórica Democrática solidarízase coa figura de Amada García e estende a homenaxe a todas as mulleres e homes que perderon a vida por mor da represión.

Jan 27, 2010

Photos: 26

A mina da Silvarosa en Viveiro (2009)

(Fotos de Suso Pazos/Memoria Histórica Democrática) Xornada no teatro Pastor Díaz en Viveiro o 27 de Xuño do 2009. Lembranza da mina da Silvarosa e da represión franquista.

Jun 27, 2009

Photos: 26

Presentación do libro Retallos da memoria II (2009)

(Fotos de Suso Pazos/Memoria Histórica Democrática) Presentación do segundo número da serie «Retallos da Memoria» na Galería Sargadelos de Ferrol, con participación de familiares das persoas biografiadas no libro.

Jun 19, 2009

Photos: 15

Conferencias Semana da República (2009)

(Fotos de Xoán Porto/Memoria Histórica Democrática) Conferencias impartidas polos historiadores Xosé Manuel Suárez (vogal da Asociación) sobre a II República en Ferrol, e de Eliseo Fernández sobre o movemento obreiro durante o periodo republicano en Ferrol. O acto celebrouse no Ateneo Ferrolán, e foi presentado polo seu presidente, Eliseo Zahera. Posteriormente desenvolveuse un coloquio con interesantes aportacións por parte das persoas asistentes.

Apr 14, 2009

Photos: 6

Homenaxe a Amada García (2009)

(Fotos de Suso Pazos/Memoria Histórica Democrática) Homenaxe a Amada García e os compañeiros fusilados no castelo de San Felipe.

Jan 27, 2009

Photos: 28

Exposición de fotografías da Armada republicana na Galería Sargadelos

Acto de presentación da Exposición de fotografías de David Fernández Dopico, presentada polo seu fillo David Fernández Martínez e por Xosé Manuel Suárez.

Jun 16, 2008

Photos: 7

As Misións Pedagóxicas, na I Semana da Memoria Histórica en Cedeira (2007)

(Fotos de Xoán Porto/Memoria Histórica Democrática) Presentación do documental sobre as Misións Pedagóxicas durante a II República no Auditorio de Cedeira, no marco da I Semana da Memoria Histórica, organizada en colaboración coa Concellería de Cultura do Concello de Cedeira.

Dec 20, 2007

Photos: 7

Inauguración da Rúa da República en Cedeira (2007)

(Fotos de Xoán Porto/Memoria Histórica Democrática) Inauguración da Rúa da República en Cedeira, no marco da I Semana da Memoria Histórica. Inauguración por parte do fillo do último alcalde republicano de Cedeira, asasinado en 1936.

Dec 18, 2007

Photos: 9

Exposición de Carteis da II República en Cedeira (2007)

(Fotos de Xoán Porto/Memoria Histórica Democrática) Exposición do Ateneo republicano da Coruña, no marco da I Semana da Memoria Histórica, organizada pola Asociación Cultural Memoria Histórica Democrática, en colaboración coa Concellería de Cultura do Concello de Cedeira.

Dec 15, 2007

Photos: 12

III Congreso da Memoria en Pontevedra (2007)

(Fotos de Xoán Porto/Memoria Histórica Democrática) Fotografías do III Congreso da Memoria, organizado pola Asociación Cultural Memoria Histórica Democrática. Celebrado en Pontevedra en decembro de 2007 coa colaboración da Consellería de Cultura e o Concello de Pontevedra. As imaxes inclúen a visita celebrada á Illa de San Simón, na ría de Vigo.

Dec 6, 2007

Photos: 76

Presentación do libro ''Retallos da memoria - I'' no Torrente Ballester. Ferrol

Presentación do primeiro número da colección Retallos da Memoria, editado pola Asociación Cultural Memoria Histórica Democrática.

Sep 28, 2007

Photos: 8

Traballo de campo. Búsqueda de foxas na praia de Vilarrube. Valdoviño

A Asociación Cultural Memoria Histórica Democrática é pioneira no uso de tecnoloxías de xeoradar para a localización de restos humáns, coa colaboración da Universidade de Vigo. Nas imaxes, unha das xornadas de localización das foxas na praia de Vilarrube, no concello de Valdoviño.

Apr 21, 2007

Photos: 16

Ataque ao monumento ás vítimas da represión franquista. O Val. Narón

Imaxes do estado no que quedou o monolito adicado ás vítimas da represión franquista na parroquia naronesa de O Val, días despois da súa inauguración. No lugar foran asasinados en 1936 os tripulantes do acoirazado "España".

Dec 25, 2003

Photos: 3

Monumento ás vítimas da represión franquista. O Val. Narón

Inauguración do monolito en lembranza ás vítimas da represión franquista, na parroquia naronesa de O Val. Este acto foi o colofón do I Congreso da Memoria, celebrado en decembro de 2003.

Dec 7, 2003

Photos: 27

I Congreso da Memoria. Narón 2003

Álbum de fotos do I Congreso da Memoria, organizado pola Asociación Cultural Memoria Histórica Democrática en colaboración co Concello de Narón.

Dec 6, 2003

Photos: 42

Antonio (Toñito) Ares Abelleira, Presidente de Honra da Asociación (2003)

(Fotos de Xoán Porto/Memoria Histórica Democrática) Manuel Fernández Pita, presidente da Asociación Cultural Memoria Histórica Democrática, xunto a outros membros da asociación, presenta a Antonio Ares Abelleira (Toñito o da guerrilla), como presidente de Honra da nosa Asociación, o programa de actos do I Congreso da Memoria, que se celebrou en Narón en decembro de 2003.

Nov 19, 2003

Photos: 18

Foxas comúns no cemiterio de Serantes. Ferrol

Imaxes do arquivo gráfico da Asociación Cultural Memoria Histórica Democrática.

Jul 15, 2003

Photos: 11

Presentación do I Congreso da Memoria en Narón (2003)

(Fotos cedidas por César Toimil/Memoria Histórica Democrática) Presentación do I Congreso da Memoria. Acto presidido polo alcalde de Narón, Xoán Gato, coa presenza dos directivos da Asociación Cultural Memoria Histórica Democrática.

Jun 6, 2003

Photos: 4

Presos no castelo de San Felipe. Ferrol, outubro do 1934

Arquivo gráfico da Asociación Cultural Memoria Histórica Democrática. Presos no castelo de San Felipe no ano 1934. Fotografías procedentes da familia de Antonio Fernández Mourente (paseado o 18 de agosto de 1936).

Dec 10, 2001

Photos: 3

Asociación Cultur...
photos